សហគមន៍និស្សិត

ជីវិតនិស្សិត និងអតីតនិស្សិតនៅវិទ្យាស្ថានដើម្បីឧត្តមភាពអប់រំបច្ចេកទេស (PIE)

ជំនាញសិក្សា ទទួលបទពិសោធន៍ និងរីកចម្រើនលើសពីថ្នាក់រៀន

នៅវិទ្យាស្ថានដើម្បីឧត្តមភាពអប់រំបច្ចេកទេស (PIE) យើងជឿជាក់លើការបណ្តុះបណ្តាលមិនត្រឹមតែអ្នកជំនាញប៉ុណ្ណោះទេ ប៉ុន្តែថែមទាំងបុគ្គលដែលមានចំណេះដឹងគ្រប់ជ្រុងជ្រោយក្នុងការត្រៀមខ្លួនរួចជាស្រេចដើម្បីបង្កើតប្រសិទ្ឋិភាពខ្ពស់គួរឱ្យកត់សម្គាល់។ សកម្មភាពសិក្សាដ៏រស់រវើកក្នុងបរិវេណសាលា ការគាំទ្រសហគមន៍ និងបណ្តាញអតីតនិស្សិតដ៏រឹងមាំរបស់យើង នឹងលើកកម្ពស់ដល់ភាពរីកចម្រើនរបស់និស្សិត ផ្សារភ្ជាប់ទំនាក់ទំនង និងចាប់ផ្តើមអាជីពដ៏ជោគជ័យនៅជុំវិញពិភពលោក។ សូមស្តាប់ដោយផ្ទាល់ពីអ្នកដែលបានជួបបទពិសោធពិតខុសគ្នាៗរបស់និស្សិតវិទ្យាស្ថានដើម្បីឧត្តមភាពអប់រំបច្ចេកទេស (PIE)។

ចំណេះដឹងស្របតាមរយៈបទពិសោធន៍

ការបណ្តុះបណ្តាលជាក់ស្តែង និងការយល់ដឹងពីសង្គមពិត

ជីវិតនិស្សិតនៅវិទ្យាស្ថានដើម្បីឧត្តមភាពអប់រំបច្ចេកទេស (PIE) ត្រូវបានបង្កើតឡើងជុំវិញការសិក្សាពីបទពិសោធន៍។ បន្ថែមពីលើការបណ្តុះបណ្តាលជាក់ស្តែងប្រចាំថ្ងៃនៅក្នុងបរិវេណសាលា និស្សិតតែងតែចូលរួមសកម្មភាពដែលភ្ជាប់ទ្រឹស្តីជាមួយនឹងប្រតិបត្តិការបដិសណ្ឋារកិច្ចពិតប្រាកដផ្សេងៗ។

បទពិសោធន៍ទាំងនេះរួមមាន៖

ដំណើរកំសាន្តសិក្សាទៅកាន់សណ្ឋាគារ ភោជនីយដ្ឋាន និងអាជីវកម្មបដិសណ្ឋារកិច្ច
ការសន្ទនាជាមួយម្ចាស់ឧស្សាហកម្ម វាគ្មិនកិត្តិយស និងព្រឹត្តិការណ៍ពិសេសៗផ្សេងៗ
ការបណ្តុះបណ្តាលសេវាកម្មផ្ទាល់ និងការរៀនសូត្របន្ថែមលើព្រឹត្តិការណ៍សំខាន់ៗ
សិក្ខាសាលាវិជ្ជាជីវៈដែលភ្ជាប់ទៅនឹងនិន្នាការ និងស្តង់ដារបដិសណ្ឋារកិច្ច

តាមរយៈសកម្មភាពទាំងនេះ សិស្សានុសិស្សនឹងទទួលបានទំនុកចិត្ត ការយល់ដឹងអំពីឧស្សាហកម្ម និងការយល់ដឹងកាន់តែស៊ីជម្រៅអំពីបរិយាកាសវិស័យបដិសណ្ឋារកិច្ចប្រកបដោយវិជ្ជាជីវៈ។

ដំណើរទស្សនកិច្ចសិក្សាស្វែងយល់នៅសណ្ឋាគារ Shangri-La ភ្នំពេញ

ព្រឹត្តិការណ៍ផ្ដល់សេវាកម្មម្ហូបអាហារ (Catering) សហការជាមួយក្រសួងកសិកម្ម

ការប្រកួតរបស់មេចុងភៅក្រុមហ៊ុន Harvey Beef ជាមួយនិស្សិតជំនាញវិជ្ជាជីវៈចម្អិនម្ហូបអាហារឆ្នាំទី២

កម្មសិក្សាជាអាជីព និងបទពិសោធជាសកល

មូលដ្ឋានគ្រឹះនៃបទពិសោធន៍របស់និស្សិតវិទ្យាស្ថានដើម្បីឧត្តមភាពអប់រំបច្ចេកទេស (PIE) គឺកម្មវិធីកម្មសិក្សាក្នុងឧស្សាហកម្ម ដែលផ្តល់ជូននិស្សិតនូវបទពិសោធន៍វិជ្ជាជីវៈជាក់ស្តែងនៅក្នុងបរិយាកាសបដិសណ្ឋារកិច្ចពិតប្រាកដ។

កម្មសិក្សាគឺជាផ្នែកសំខាន់មួយនៃកម្មវិធី PIE និងផ្តល់ឱ្យឱកាសចាប់ផ្តើមយកអាជីពដ៏សំខាន់បំផុតមួយរបស់ស្ថាប័ននោះ។ និស្សិតរបស់វិទ្យាស្ថានដើម្បីឧត្តមភាពអប់រំបច្ចេកទេស (PIE) នឹងទទួលបានអត្ថប្រយោជន៍ពីការធ្វើកម្មសិក្សាជាមួយដៃគូបដិសណ្ឋារកិច្ចដ៏មានកិត្យានុភាពនៅក្នុងប្រទេសកម្ពុជា និងលើឆាកអន្តរជាតិ រួមទាំងគោលដៅដូចជា៖

បារាំង

ជប៉ុន

ហុងកុង

អារ៉ាប់រួម

ម៉ាឡេសុី

វៀតណាម

ដៃគូសហការរបស់យើងរួមមានក្រុមការងារសណ្ឋាគារ និងម៉ាកយីហោបវីស័យដិសណ្ឋារកិច្ចនានាទទួលស្គាល់ជាអន្តរជាតិ នឹងផ្តល់ជូនសិស្សនូវបទពិសោធន៍ជាមួយស្តង់ដារសេវាកម្មជាសកល និងបរិយាកាសការងារប្រកបដោយពហុវប្បធម៌។
តាមរយៈកម្មសិក្សាទាំងនេះ សិស្សនិស្សិតនឹង៖

អនុវត្តជំនាញរបស់ពួកគេនៅក្នុងបរិបទប្រតិបត្តិការជាក់ស្តែង
អភិវឌ្ឍវិន័យវិជ្ជាជីវៈ និងទំនុកចិត្តនៅកន្លែងធ្វើការ
ទទួលបានបទពិសោធន៍អន្តរជាតិដែលមានតម្លៃដោយនិយោជកទូទាំងពិភពលោក
កសាងបណ្តាញដែលជារឿយៗនាំទៅរកការងារធ្វើនាពេលអនាគត

ប្រសិទ្ឋិភាពឧស្សាហកម្មជាសកលនេះ គឺជាធាតុផ្សំដ៏សំខាន់នៃដំណើរការសិក្សារបស់និស្សិតនៅវិទ្យាស្ថានដើម្បីឧត្តមភាពអប់រំបច្ចេកទេស (PIE) និងជាមាគ៌ាសំខាន់ឆ្ពោះទៅរកភាពជោគជ័យក្នុងអាជីពក្នុង រយៈពេលវែង។

ការគាំពារពីសហគមន៍និស្សិត

ការសិក្សាជាមួយគ្នា នឹងរីកចម្រើនជាមួយគ្នា

វិទ្យាស្ថានដើម្បីឧត្តមភាពអប់រំបច្ចេកទេស (PIE) បន្តលើកកម្ពស់បរិយាកាសសិក្សាដែលមានការគាំទ្រ និងមានវិជ្ជាជីវៈ ដែលសិស្សមានអារម្មណ៍ថាត្រូវបានលើកទឹកចិត្ត ណែនាំបានត្រឹមត្រូវ និងមានទំនាក់ទំនងល្អជាមួយមជ្ឍដ្ឋានជុំវិញខ្លួន។ ចំនួនថ្នាក់តូចៗ ត្រូវបានបង្កើតឲ្យមានការយកចិត្តទុកដាក់ខ្ពស់ ខណៈសិស្សនិស្សិតកំពុងសិក្សអំពីពហុវប្បធម៌ ដែលមានលក្ខណៈចម្រុះ និងច្បាស់លាស់។

សិស្សានុសិស្សនឹងទទួលបានអត្ថប្រយោជន៍ពី៖

ការរក្សាទំនាក់ទំនងជិតស្និទ្ធជាមួយគ្រូបង្រៀន និងគ្រូបង្វឹកក្នុងមុខវិជ្ជានីមួយៗ
ការណែនាំពេញលេញសម្រាប់កម្មសិក្សា និងការរៀបចំផ្លូវអាជីព
វប្បធម៌សិក្សាដែលគោរព និងស្របតាមស្តង់ដារវិជ្ជាជីវៈបដិសណ្ឋារកិច្ច
ឱកាសសហការជាមួយមិត្តភក្តិ និងបណ្តាញវិជ្ជាជីវៈពីសហគមន៍ការងារផ្សេងៗ

សហគមន៍ដ៏រឹងមាំនេះ នឹងជួយសិស្សនិស្សិតអភិវឌ្ឍទំនុកចិត្ត ភាពធន់ និងកសាងទំនាក់ទំនងវិជ្ជាជីវៈយូរអង្វែងសម្រាប់អនាគត

ផ្លាស់ប្តូរពីនិស្សិតទៅជាអ្នកជំនាញវិជ្ជាជីវៈ

សហគមន៍អតីតនិស្សិតរបស់វិទ្យាស្ថានដើម្បីឧត្តមភាពអប់រំបច្ចេកទេស (PIE)

នៅវិទ្យាស្ថានដើម្បីឧត្តមភាពអប់រំបច្ចេកទេស (PIE) ការបញ្ចប់ការសិក្សាមិនមែនជាចុងបញ្ចប់ទេ ប៉ុន្តែជាការចាប់ផ្តើមនៃការភ្ជាប់ទំនាក់ទំនងរយៈពេលវែង។ សហគមន៍អតីតនិស្សិតរបស់យើងបង្ហាញពីភាពជោគជ័យនៃការអប់រំដែលផ្តោតលើការអនុវត្តជាក់ស្តែង ដោយអតីតនិស្សិតកំពុងកសាងអាជីពរបស់ខ្លួនក្នុងវិស័យបដិសណ្ឋារកិច្ច ទាំងនៅក្នុងប្រទេសកម្ពុជា និងនៅលើឆាកអន្តរជាតិ។

ការធ្វើការនៅប្រទេសបារាំងគឺជាក្តីស្រមៃរបស់ខ្ញុំ ហើយសព្វថ្ងៃនេះ ខ្ញុំមានមោទនភាពដែលបានរស់ និងធ្វើការនៅក្នុងប្រទេសដ៏អស្ចារ្យមួយនេះ។

បន្ទាប់ពីបញ្ចប់ការសិក្សានៅឆ្នាំ ២០២៣ ស្រីផ្កាយ បានផ្លាស់ទៅប្រទេសបារាំង ដើម្បីចាប់ផ្តើមអាជីពជាចុងភៅនៅសណ្ឋាគារ Bretagne។ ការសម្របខ្លួនទៅនឹងផ្ទះបាយអឺរ៉ុបដែលមានជំនាញវិជ្ជាជីវៈ វាជាជំហានដ៏ធំមួយ ប៉ុន្តែការតាំងចិត្ត និងចំណង់ចំណូលចិត្តក្នុងការចម្អិនអាហាររបស់នាង បានជួយនាងឱ្យរីកចម្រើនយ៉ាងឆាប់រហ័ស។ នាងបានបន្តកសាងបទពិសោធន៍របស់នាងនៅបរទេស និងមានគោលបំណងអភិវឌ្ឍអាជីពរបស់នាងនៅលើឆាកអន្តរជាតិផងដែរ។

ខ្ញុំចូលចិត្តធ្វើការជាមួយមនុស្ស និងបង្កើតបទពិសោធន៍ដ៏អស្ចារ្យសម្រាប់ភ្ញៀវជារៀងរាល់ថ្ងៃ។

លោក សុសិរីបុត្រ បានបញ្ចប់ការសិក្សានៅឆ្នាំ ២០២៣ ហើយបានធ្វើការជាអ្នកគ្រប់គ្រងផ្នែកម្ហូបអាហារ និងភេសជ្ជៈនៅភោជនីយដ្ឋានបាយស ប្រទេសកម្ពុជាចាប់តាំងពីឆ្នាំ ២០២៤ កន្លងមក។ លោកបានផ្លាស់ប្តូរយ៉ាងឆាប់រហ័សទៅកាន់តំណែងមួយដែលមានទំនួលខុសត្រូវ លើការគ្រប់គ្រងប្រតិបត្តិការប្រចាំថ្ងៃ និងគាំទ្រក្រុមការងាររបស់លោក។ គោលដៅរបស់លោក គឺបន្តរីកចម្រើននៅក្នុងឧស្សាហកម្មបដិសណ្ឋារកិច្ច និងទទួលយកតួនាទីជាអ្នកដឹកនាំកាន់តែធំនាពេលអនាគត។

ការបើកហាងនំប៉័ងផ្ទាល់ខ្លួន គឺជាក្តីស្រមៃរបស់ខ្ញុំ ហើយខ្ញុំមានមោទនភាពដែលធ្វើឱ្យវាក្លាយជាការពិតនាពេលនេះ។

បន្ទាប់ពីបញ្ចប់ការសិក្សានៅឆ្នាំ ២០២៤ គីមហៀក បានចាប់ផ្តើមអាជីវកម្មផ្ទាល់ខ្លួនឈ្មោះ Hello Kim Bakery។ អ្វីដែលចាប់ផ្តើមពីចំណង់ចំណូលចិត្តក្នុងការធ្វើនំ បានក្លាយជាផ្លូវអាជីពវិជ្ជាជីវៈ ហើយសព្វថ្ងៃ នាងគ្រប់គ្រងហាងរបស់ខ្លួនដោយការច្នៃប្រឌិត និងការប្តេជ្ញាចិត្តខ្ពស់។ នាងរីករាយក្នុងការបង្កើតផលិតផលថ្មីៗ និងបម្រើអតិថិជនរបស់នាងជារៀងរាល់ថ្ងៃ។

រៀងរាល់ថ្ងៃនៅក្នុងផ្ទះបាយ គឺជាឱកាសថ្មីមួយសម្រាប់ការការៀនសូត្រ និងអភិវឌ្ឍខ្លួនជានិច្ច

មុន្នីរតន បានបញ្ចប់ការសិក្សានៅឆ្នាំ ២០២៥ ហើយសព្វថ្ងៃនេះបានចាប់ផ្តើមអាជីពជាមេចុងភៅនៅ Fairfield by Marriott។ ការចាប់ផ្តើមអាជីពក្នុងបរិយាកាសសណ្ឋាគារអន្តរជាតិ អនុញ្ញាតឱ្យនាងទទួលបានបទពិសោធន៍ក្នុងផ្ទះបាយដែលមានស្តង់ដារវិជ្ជាជីវៈខ្ពស់ និងរៀនសូត្រពីមេចុងភៅជាន់ខ្ពស់ជាច្រើនរូប។ នាងទទួលបានការលើកទឹកចិត្តក្នុងការបន្តអភិវឌ្ឍជំនាញរបស់ខ្លួន និងរីកចម្រើនក្នុងវិស័យសិល្បៈចម្អិនអាហារបន្ថែមទៀត

ការធ្វើការនៅសហរដ្ឋអាមេរិកបានបង្ហាញឱ្យខ្ញុំយល់ដឹងអំពីភាពតស៊ូ ការអត់ធ្មត់ និងការខិតខំប្រឹងប្រែងក្នុងការងារ

បន្ទាប់ពីបញ្ចប់ការសិក្សានៅឆ្នាំ ២០២៣ លោក ប៊ុណ្ណារិទ្ធ មានឱកាសបន្តការបណ្តុះបណ្តាលនៅ Faena Miami Beach សហរដ្ឋអាមេរិក។ ការធ្វើការនៅក្នុងផ្ទះបាយអន្តរជាតិដែលមានស្តង់ដារវិជ្ជាជីវៈខ្ពស់ បានផ្តល់ឱ្យលោកនូវបទពិសោធន៍ដ៏មានតម្លៃ និងការបំផុសគំនិតថ្មីៗ។ លោកសង្ឃឹមថានឹងបន្តកសាងអាជីពរបស់ខ្លួននៅបរទេស និងរៀនសូត្រពីវប្បធម៌ធ្វើម្ហូបផ្សេងៗបន្ថែមទៀត។

ការចម្អិនអាហារជាការងារដែលទាមទារវិន័យ រហ័សរហួន និងចំណង់ចំណូលចិត្ត ហើយខ្ញុំតែងតែរៀនសូត្រអ្វីថ្មីៗជារៀងរាល់ថ្ងៃ

ចាប់តាំងពីបញ្ចប់ការសិក្សានៅឆ្នាំ ២០២០ លោក សុវណ្ឌី បានបម្រើការជាចុងភៅនៅ Tonkotsu Kazan Ramen ក្នុងប្រទេសកម្ពុជា។ លោករីករាយជាមួយបរិយាកាសការងារដែលមានភាពរហ័សរហួន ក្នុងផ្ទះបាយ និងការងារជាក្រុម ដែលត្រូវការសម្របសម្រួលយ៉ាងច្បាស់លាស់ ដើម្បីផ្តល់ម្ហូបអាហារដែលមានគុណភាពជារៀងរាល់ថ្ងៃដល់អតិថិជន។ បទពិសោធន៍នេះបានជួយឱ្យលោករីកចម្រើនក្នុងវិជ្ជាជីវៈម្ហូបអាហារ និងបង្កើនទំនុកចិត្តលើជំនាញរបស់ខ្លួន

ខ្ញុំតែងមានក្តីស្រមៃចង់បង្កើតអាជីវកម្មផ្ទាល់ខ្លួន ហើយថ្ងៃនេះ ខ្ញុំបានសម្រេចក្តីស្រមៃនោះជាមួយហាងនំរបស់ខ្លួន

លោក ស៊ូមូន បានបញ្ចប់ការសិក្សានៅឆ្នាំ ២០២០ ហើយបន្ទាប់មកបានបើកអាជីវកម្មផ្ទាល់ខ្លួនឈ្មោះ Imagine Bakery នៅប្រទេសកម្ពុជា។ ការគ្រប់គ្រងអាជីវកម្មរបស់ខ្លួន អនុញ្ញាតឱ្យលោកផ្សំការច្នៃប្រឌិតជាមួយនឹងការខិតខំប្រឹងប្រែងជារៀងរាល់ថ្ងៃ។ លោកបន្តអភិវឌ្ឍគំនិតថ្មីៗ និងមានគោលបំណងពង្រីកម៉ាកយីហោរបស់ខ្លួនឱ្យរីកចម្រើនបន្ថែមទៀតនាពេលអនាគត។

បង្ហាញថែម

សហគមន៍និស្សិត

ជំនាញសិក្សា ទទួលបទពិសោធន៍ និងរីកចម្រើនលើសពីថ្នាក់រៀន

ការបណ្តុះបណ្តាលជាក់ស្តែង និងការយល់ដឹងពីសង្គមពិត

បទពិសោធន៍ទាំងនេះរួមមាន៖

កម្មសិក្សាជាអាជីព​ និងបទពិសោធជាសកល

ការសិក្សាជាមួយគ្នា នឹងរីកចម្រើនជាមួយគ្នា

សិស្សានុសិស្សនឹងទទួលបានអត្ថប្រយោជន៍ពី៖

សហគមន៍អតីតនិស្សិតរបស់វិទ្យាស្ថានដើម្បីឧត្តមភាពអប់រំបច្ចេកទេស (PIE)

ស្រីផ្កាយ

លោក សុសិរីបុត្រ

គីមហៀក

មុន្នីរតន

លោក ប៊ុនណារិទ្ធិ

លោក សុវណ្ឌី

លោក​ ស៊ូមូន

កម្មសិក្សាជាអាជីព និងបទពិសោធជាសកល

លោក ស៊ូមូន